Arkaiaulaugistos in Aigwptau hlaiwasnos faur jera ·mdʹ· (4400) bigetun

4,400-Year-Old Tomb Discovered Outside Cairo
Wair inmeleinos in þaim hlaiwasnom saihviþ; Brunna: Anadolu

Arkaiaulaugistos in Aigwptau hlaiwasnos faur jera ·mdʹ· (4400) bigetun þozei nehva pwramis merjamma at Gizai wesun, andbahti Waihte Fairnjaizo qaþ Sabbato Dag, þata land aftraqum wratonde weneiþ.

Þos hlaiwasnos in landa braidamma dauþubaurgs Gizos bigetun, þata was staþs hlaiwasno þiudinassaus fairnjis.

In þaim hlaiwasnom was qino, sei haitada Haitpait, nehva wesi du þiudanam fimftudaize reikinonde Aigwptaus.

Þos hlaiwasnos waila gafastanos wesun, abja jah diganos, habaidedunuh frisahtins ana waddjum waila gafastanos frisahtjandeins Haitpait swa waiþjo jah fiskjo.Jah frisahts apins ist – habaidedunuh þan in melam farao apans in garda – nimandans akrana. Frisahteis swaleikos Twalibins Reikinonde jah bigetun, afar waurda andbahtjis. Frisahts anþara apa laikands faura mannam bandweiþ.

Þata ist land goþ du sokjan. Wenjam ei mais bigitaima,” Al-Waziri qaþ du spillondam jainar. “Þos hlaiwasnos bigetum, afar þatei twahund jah fimftigjus miþ þrijahundam maitrum airþos usnumana was.”
Þatei saihvam ana airþai in Aigwptau, nist halba þizei bi sunjai ist,” anaaiauk.

Afar Al-Waziri, Haitpait hlaiwasnos anþaros in wistradauþubaurg Gizos habaiduh, qaþuh þatei þairhwisiþ waurstw du bigitan þos.

Haitpait meri ist in spilla Aigwptaus, aþþan naus ni nauh bigitana. Dailins Haitpait aigandei in jera 1909 bigitanos wesun, wesunuh þan miþsatidos in Mwsaiaun in Bairlin, Andbahts Waihte Fairnjaizo Khaled Al-Anani qaþ Sabbato Dag, at stada rodjands spillondam jah fauragasatjam Wistris.

Brunna: Telegraph

Read more for Gothic transcription:

Continue reading “Arkaiaulaugistos in Aigwptau hlaiwasnos faur jera ·mdʹ· (4400) bigetun”

Groniland du Trampa: Ni frabugjam uns silbans, ak kaupon wileima

Jorgo-Kokkinidis-Greenland-8-1

Groniland ni frabugjada, swa qiþiþ andbahts Utalandis Waihte afar spillam þatei sa Amērikiska faurasitands Daunald Tramp þana hulm bugjan wili. Sweþauh Groniland miþ Amērikai kaupon wili.

Groniland, silbareikinondo gawi in usmēta Danimarkai, wulþrais wesi Trampa unte filu Uranjis jah anþara fawa maitala habaiþ. Sa mikila hulms ist jah wulþrais in airþapaulitikai.

Tramp in Saiptaimbair in Daniska haubidabaurg Kaupamanne Habna gaggiþ. Qiþand bi Naurþapaulagawi: “Gamanwidai sijum du kaupon, iþ weis ni frabugjanda“, qaþ Anai Lon Baggair, so Gronilandisko andbahta Utalandis Waihte.

Paulitika Daniska hlahjiþ, akei jah þo miton ni galeikaiþ. “Waihts mikila ubila“, haitiþ Rufus Giffaurds, sa aira Amairikiska andbahts Danimarkai.

Martin Lidegards, sa aira Daniska andbahts Utalandis Waihte, haitiþ “anafilh ubil“: “rodjam bi mans. Groniland ni mag frabugjada swa landanumtais maht.

Brunna: nu.nl

Sa fruma guma saei rodeiþ in razdai gutiskai ana filma

colin

Kaulin Maeiairs, jah kunþs swa Ahsto, ist sa fruma guma saei rodeiþ du anþaraim in Gutiskai razdai ana filma.

Sa 20 wintrus wisands guma jah gaskop Diskaurd skalkinassu du rodjan miþ anþaraim in þizai Gutiskon razdai. Sweþauh ju wesun filma in þizai razdai, nauh ni wesun filma miþ mannam in vlogs rodjandans in þizai razdai.

Haitada Ahsto jah wiljau rodjan miþ izwis” wesun fruma waurda seina. Afar quma boko, spillis, gaskeireino jah filme in þizai razdai Gutþiudos, vlogs mageina wisan þata iftumo. Maeiairs wili atbairan niuja filma bi þo razda in anawairþa.

Frehnum ina hwaiwa ist imma ei gaskopi vlog þata frumist rodjands du mannam anþaraim in þizai razdai fairnjai, andhof: “Ja, ist filu kolu wisan frumists manna saei rodida in filma ana Gutiska inuh bokos jah inuh waurdabokos

Þata ganati magi giban mannam mahtins du anaqiujan razdos fairnjos.

 

 

Anafilh Tramps du GÞ: “Afleiþ gawaurdja miþ AA”

Nigel-Farage-e-Donald-Trump

Aggilos afleiþaina gaqissins bi Braiksit miþ Aiwropiskai Ainamundiþai nibai gibai hwa wileina. Þata qaþ sa Amairikiska faurasitands Daunald Tramp in gawaurdja miþ Britiskamma spillalauba sunnins dagis Sunday Times.

Afar Tramp sa iftuma reiks insandiþ Naeidzeiail Faradzj swa midumonds du gawaurdjam miþ Bruksail bi Braiksit. “Filu galeikaiþ mis Naidzeiail. Filu gibiþ, froþs ist. Ni insandjaina ina, ak mito hwaiwa waurþi ibai ina insandidedeina. Ni nauh witand.”

Tramp jah anafilhiþ Aggilans ei ni usgildaina þizai gaskaideinai. Bruksail wili ei usgildai 39 miliard pundos sa Gagahaftida Þiudinassus. “Mikil faihu“, qaþ Tramp.
Tramp duginniþ gaweison in þamma Gagahaftidin Þiudinassau menins dag. Airis þo dagawikon rodida miþ spillalauba Britiskamma The Sun. Jainar qaþ þatei Bauris Dzeiaunsaun “mahteigs reikinonds” þis Gafastandins Hiuhmins wesi. Aihiþ The Sun jah Sunday Times sa maidjaaihands Rupairt Mardauh. In Amairikai aihiþ manleikja-sandjo Fox News.

Brunna: Nu.nl

Dags Waurstwis

59476181_2329126170658119_8673830846777524224_n

Written by one of our contributors; an article about the First of May (What is written is a joke mocking people which commited atrocities in the name of Communism)

Gistradagis was Frumists Dags Majus, leitila saldra allaim waurstwjam:

Frumin daga menoþis majaus dulþjand waurstwjans allaizo þiudo dag waurstwis. Þamma silbin daga ni saiand nih sneiþand, ak matjand jah drigkand bi biuhtja dulþais ize und þatei sadai jah drugkanai wairþand. Sweþauh wenjand ei du maurgina urreisandans aftra waurkjan duginnaina, unte anabudan ist im þairh apaustaulu Pawlu (du Þaissalauneikaium anþara, 3:10) jah witodalaisari Waldimer Lenein (du Paitrupauleitum frumei, j. 1918) þatei jabai ƕas ni wili waurkjan, ni matjai nih drigkai aiwa dage, ak skula wairþai GULAGa funins.

Baurgjans Ukraїnos gawalidedun niujana faurasitand

21-in apreileis baurgjans Ukraїnos gawalidedun niujana faurasitand Waldamer Zailainski.

Twos wesun daileis þizo waleine: frumist Paitrus Paurausaigkus jah Waldamers Zailainskeis gawalidai waurþun, þaþroh þan Zailainskeis gajiukaida. 72,2% baurgjane gebun imma stibnos seinos.

Frehum sumans in Ukraїnai ƕa hugjaina bi þata.

  • Ik walida Paurausaigku, unte Zailainskeis frijonds Rosiais ist. Bireikjai sijum in þis. Rosia ist Asia jah griþs atwandjandei. Ni magum atgiban imma waldufni. Þata ist missadeþs. Biþe dugann sa unfriþus in gaujam Daunbassis, baþ qens Zailainskeis mans ei melidedeina bi wigans harjis unsaris, – qiþiþ Aulaih Baundar us Kujaujai.
  • Zailainskeis ist juggs jah unfrawaurþans. Ist andwairþi niujata in pauleitikein unsarai. Ik walida ina, – meleiþ Jareina Hain us Paultabai.
  • Faurasitands Ukraїnos skal Ukraїniskai razdai rodjan nih haitan manamaurþrjans us gaujam Daunaitskis jah Luhanskis ‘usstassjans’, swe Zailainskeis þata taujiþ, – qiþiþ Markus Sleipaigkus.

Gamaudjam þatei 21-in apreileis gawalidedun baurgjans Ukraїnos faurasitand Waldamer Zailainski. Gajiukaida Paitru Paurausaigku saei faurþis was faurasitands þis landis.

Netaniahu manweiþ gawaleinim du maurgina

ISRAEL-POLITICS-CABINET

𐌳𐌿 𐌼𐌰𐌿𐍂𐌲𐌹𐌽𐌰 𐌹𐍃𐍂𐌰𐌴𐌻𐌹𐍄𐌴𐌹𐍃 𐌽𐌹𐌿𐌾𐌰𐌽𐌰 𐍂𐌴𐌹𐌺 𐌲𐌰𐍅𐌰𐌻𐌾𐌰𐌽𐌳. 𐌱𐌰𐌹𐌽𐌴𐌹𐌰𐌼𐌴𐌹𐌽 𐌽𐌴𐍄𐌰𐌽𐌴𐌹𐌰𐌷𐌿 𐍆𐌹𐌻𐌿 𐌾𐌴𐍂𐌰 𐍂𐌴𐌹𐌺𐌹𐌽𐍉𐌸 𐌾𐌰𐌷 𐌱𐌰𐌹𐌽𐌴𐌹 𐌲𐌰𐌽𐍄𐌶, 𐌰𐌹𐍂𐌹𐍃 𐍂𐌴𐌹𐌺𐌹𐌽𐍉𐌽𐌳𐍃 𐌷𐌰𐍂𐌾𐌹𐍃 𐌹𐍃𐍂𐌰𐌴𐌻𐌹𐍃, 𐌹𐌽𐌰 𐌹𐌽 𐌲𐌰𐍅𐌰𐌻𐌴𐌹𐌽𐌹𐌼 𐌰𐌽𐌳𐍃𐍄𐌰𐌽𐌳𐌹𐌸 𐌼𐌹𐌸 𐌱𐌻𐌴𐍅𐌰𐌼𐌼𐌰 𐌾𐌰𐌷 𐍈𐌴𐌹𐍄𐌰𐌼𐌼𐌰 𐌷𐌰𐌽𐍃𐌹𐌽 𐍃𐌴𐌹𐌽𐌰𐌼𐌼𐌰.

𐌱𐌻𐌴𐍅𐍃 𐌾𐌰𐌷 𐍈𐌴𐌹𐍄𐍃 𐌷𐌰𐌽𐍃𐌰𐌽 𐍃𐌰𐌴𐌹 𐍆𐍂𐌰𐌼 𐌱𐌰𐌹𐌽𐌴𐌹𐌽 𐌲𐌰𐌽𐍄𐌶 𐍂𐌴𐌹𐌺𐌹𐌽𐍉𐌳𐌰 𐌹𐍃𐍄 𐍆𐌰𐌿𐍂𐌰 𐌻𐌴𐌹𐌺𐌿𐌳. 𐌰𐍆𐌰𐍂 𐌲𐌰𐌽𐍄𐌶 𐍂𐌴𐌹𐌺𐌹𐌽𐌰𐍃𐍃𐌿𐍃 𐌴𐌹 𐍆𐌰𐌲𐌹𐌽𐍉𐌸 𐌹𐌽 𐌼𐌰𐌷𐍄𐌰𐌹𐍃 𐌾𐌰𐌷 𐌷𐌴𐌳𐍉𐌽𐌹𐍃𐌼𐌰𐌿𐍃.

𐌾𐌰𐌱𐌰𐌹 𐌽𐌴𐍄𐌰𐌽𐌴𐌹𐌰𐌷𐌿 𐌲𐌰𐌾𐌹𐌿𐌺𐌰𐌹, 𐍆𐌹𐌳𐌿𐍂𐌳𐍉 𐍄𐌹𐌿𐌷𐌰𐌽𐌳𐌴𐌹 𐍄𐌴𐍅𐌰 𐌾𐌰𐌷 𐍆𐌹𐌼𐍆𐍄𐍉 𐌲𐌰𐌼𐌰𐌹𐌽𐍉 𐍄𐌴𐍅𐌰 𐌳𐌿𐌲𐌹𐌽𐌽𐌹𐌸 𐌾𐌰𐌷 𐍃𐌰 𐌻𐌰𐌲𐌲𐌹𐍃𐍄𐌰 𐍂𐌴𐌹𐌺𐌹𐌽𐍉𐌽𐌳𐍃 𐌹𐍃𐍂𐌰𐌴𐌻𐌹𐍃 𐍅𐌰𐌹𐍂𐌸𐌹𐌸.

𐍆𐌹𐌻𐌿 𐌱𐌰𐌿𐍂𐌳𐌴 𐌹𐌽 𐌹𐍃𐍂𐌰𐌴𐌻𐌰 𐍄𐍂𐌰𐌼𐍀 𐌾𐌰𐌷 𐌽𐌴𐍄𐌰𐌽𐌴𐌹𐌰𐌷𐌿 𐍃𐌰𐌼𐌰𐌽𐌰 𐌱𐌰𐌽𐌳𐍅𐌾𐌰𐌽𐌳. 𐌾𐌰𐌱𐌰𐌹 𐌲𐌰𐌾𐌹𐌿𐌺𐌰𐌹, 𐌽𐌴𐍄𐌰𐌽𐌴𐌹𐌰𐌷𐌿 𐍅𐌹𐌻𐌹 𐍃𐌰𐍄𐌴𐌹𐌽𐍉𐍃 𐌹𐌽 𐍅𐌹𐍃𐍄𐍂𐌰𐌱𐌰𐌽𐌺𐌰 𐌲𐌰𐌽𐌹𐌼𐌰𐌽.

Du maurgina Israeliteis niujana reik gawaljand. Baineiamein Netaneiahu filu jera reikinoþ jah Bainei Gantz, airis reikinonds harjis Israelis, ina in gawaleinim andstandiþ miþ Blewamma jah Hweitamma Hansin seinamma.

Blews jah Hweits Hansan saei fram Bainein Gantz reikinoda ist faura Leikud. Afar Gantz reikinassus ei faginoþ in mahtais jah hedonismaus.

Jabai Netaneiahu gajiukai, fidurdo tiuhandei tewa jah fimfto gamaino tewa duginniþ jah sa laggista reikinonds Israelis wairþiþ.

Filu baurde in Israela Tramp jah Netaneiahu samana bandwjand. Jabai gajiukai, Netaneiahu wili sateinos in wistrabanka ganiman.

Brunna: NBC News

Frumists Aprilis

april-1st

Frauja Hrigge in Gutiskai razdai ni usmerjanda, was saldra, habaiþ uns faurqiþanai! Magaþ beidan boko Fraujila sa Leitila in Gutiskai gaskeireinai, ist anþar Aprilis jah þata nist saldra.

The Lord of the Rings won’t get an official publication in Gothic, this was an April 1st joke, we are sorry to disappoint you! You can however expect Le Petit Prince in a Gothic translation, it is the 2nd of April and this isn’t a joke.

Frauja Hrigge Gutiskai razdai gaskeirjada

First_Single_Volume_Edition_of_The_Lord_of_the_Rings

Bokos “Frauja Hrigge” in Gutiskai razdai usmerjanda. Frija usmerja bigitana ist, sei þos bokos in Gutiskai razdai usmereiþ.

The book Lord of the Rings will get an official publication in the Gothic language. An independent publisher has been found which will publish the book into the Gothic language.

Nu Kazahstan habaiþ niujana faurasitand


𐌽𐌿𐍂𐍃𐌿𐌻𐍄𐌰𐌽𐍃 𐌽𐌰𐌶𐌰𐍂𐌱𐌰𐌾𐌰𐌹𐌱 / Nursultans Nazarbajaib

𐌺𐌰𐌶𐌰𐌷𐍃𐍄𐌰𐌽 – 𐍃𐌰 𐌺𐌰𐌶𐌰𐌷𐍃𐍄𐌰𐌽𐌹𐍃𐌺𐌰 𐍆𐌰𐌿𐍂𐌰𐍃𐌹𐍄𐌰𐌽𐌳𐍃 𐌽𐌿𐍂𐍃𐌿𐌻𐍄𐌰𐌽𐍃 𐌽𐌰𐌶𐌰𐍂𐌱𐌰𐌾𐌰𐌹𐌱 𐍃𐍅𐌰𐌹𐌱 𐍃𐌴𐌹𐌽𐌰 𐍆𐌿𐌻𐌻𐌰𐌼𐌰𐌷𐍄 𐍃𐍅𐌰 𐍆𐌰𐌿𐍂𐌰𐍃𐌹𐍄𐌰𐌽𐌳𐍃 𐍆𐍂𐌰𐌼 𐌰𐍆𐍄𐌿𐌼𐌹𐍃𐍄𐌰𐌽 𐍅𐍉𐌳𐌰𐌽𐌹𐍃 𐌳𐌰𐌲. 𐌽𐌰𐌶𐌰𐍂𐌱𐌰𐌾𐌰𐌹𐌱 𐌹𐍃𐍄 𐍃𐌰 𐍆𐍂𐌿𐌼𐌹𐍃𐍄𐌰 𐍆𐌰𐌿𐍂𐌰𐍃𐌹𐍄𐌰𐌽𐌳𐍃 𐌺𐌰𐌶𐌰𐌷𐍃𐍄𐌰𐌽𐌹𐍃, 𐍃𐌰𐌴𐌹 𐍆𐌰𐌿𐍂𐌰𐍃𐌰𐍄 28 𐌾𐌴𐍂𐌰 𐍆𐍂𐌰𐌼 19 𐌳𐌰𐌹𐌺𐌰𐌹𐌼𐌱𐌰𐌹𐍂 1991 𐌾𐌴𐍂𐌰 𐌿𐌽𐌳 𐌷𐌹𐌽𐌰 𐌳𐌰𐌲.

𐍅𐌰𐌿𐍂𐌳𐌰 𐌽𐌿𐍂𐍃𐌿𐌻𐍄𐌰𐌽𐌰𐌹𐍃 𐌽𐌰𐌶𐌰𐍂𐌱𐌰𐌾𐌰𐌹𐌱𐌹𐍃: «𐌲𐌰𐌳𐍉𐌼𐌹𐌳𐌰 𐌼𐌴𐌹𐌽𐌰 𐍆𐌿𐌻𐌻𐌰𐌼𐌰𐌷𐍄 𐍃𐍅𐌰 𐍆𐌰𐌿𐍂𐌰𐍃𐌹𐍄𐌰𐌽𐌳𐍃 𐌳𐌿 𐍃𐍅𐌴𐌹𐌱𐌰𐌽. 𐌸𐌹𐌿𐌳𐌰 𐌲𐌰𐍆 𐌼𐌹𐍃 𐌼𐌰𐌷𐍄, 𐍆𐍂𐌿𐌼𐌹𐍃𐍄𐌰𐌼𐌼𐌰 𐍆𐌰𐌿𐍂𐌰𐍃𐌹𐍄𐌰𐌽𐌳𐌹𐌽 𐍆𐍂𐌴𐌹𐌷𐌰𐌻𐌹𐍃 𐌺𐌰𐌶𐌰𐌷𐍃𐍄𐌰𐌽𐌹𐍃 𐌳𐌿 𐍅𐌰𐌹𐍂𐌸𐌰𐌽. 𐌲𐌰𐍄𐍂𐌰𐌿𐌰𐌹𐌳𐌴𐌳𐌿𐌸 𐌹𐌽 𐌼𐌹𐍃 𐌰𐌻𐌻𐌰 𐌸𐍉 𐌾𐌴𐍂𐌰 𐌰𐌻𐌻𐌹𐍃. 𐍅𐌰𐍃 𐌰𐌿𐌾𐌰 𐍆𐌰𐌿𐍂 𐌼𐌹𐌺 𐌸𐌹𐌿𐌳𐌰𐌹 𐌳𐌿 𐍃𐌺𐌰𐌻𐌺𐌹𐌽𐍉𐌽. 𐌰𐌽𐌰𐌷𐌽𐌴𐌹𐍅𐌾𐌰 𐌼𐌴𐌹𐌽𐌰𐍄𐌰 𐌷𐌰𐌿𐌱𐌹𐌸 𐌾𐌰𐌷 𐌰𐍅𐌹𐌻𐌹𐌿𐌳𐍉».

𐌽𐌿 𐍆𐌰𐌿𐍂𐌰𐍃𐌹𐍄𐌰𐌽𐌳𐍃 𐌺𐌰𐌶𐌰𐌷𐍃𐍄𐌰𐌽𐌹𐍃 𐌹𐍃𐍄 𐌺𐌰𐍃𐌾𐌹𐌼-𐌶𐌷𐍉𐌼𐌰𐍂𐍄 𐍄𐍉𐌺𐌰𐌾𐌰𐌹𐌱, 𐍃𐌰𐌴𐌹 𐍅𐌰𐍃 𐍂𐍉𐌳𐌾𐌰𐌽𐌳𐍃 𐍃𐌰𐌹𐌽𐌰𐍄𐌰𐌿𐍃 𐍀𐌰𐍂𐌻𐌹𐌰𐌼𐌰𐌹𐌽𐍄𐌿𐌼𐍃.

Sa Kazahstaniska faurasitands Nursultans Nazarbajaib swaib seina fullamaht swa faurasitands fram aftumistan wodanis dag. Nazarbajaib ist sa frumista faurasitands Kazahstanis, saei faurasat 28 jera fram 19 daikaimbair 1991 jera und hina dag.

Waurda Nursultanais Nazarbajaibis: «Gadomida meina fullamaht swa faurasitands du sweiban. Þiuda gaf mis maht, frumistamma faurasitandin freihalis Kazahstanis du wairþan. Gatrauaideduþ in mis alla þo jera allis. Was auja faur mik þiudai du skalkinon. Anahneiwja meinata haubiþ jah awiliudo».

Nu faurasitands Kazahstanis ist Kasjim-Zhomart Tokajaib, saei was rodjands sainataus parliamaintums.

%d bloggers like this: