Swarts baira rinniþ ana gatwom in Niu Dzeiairsein

Awdjo fram Biktaur Tseiabaitz
Audio recorded by Victor Chavez:

Advertisements

Alþeis Seiaeie fauramaþleis Maeik Paumpeo niujis utalandandbahts Amairikos wairþiþ

AMAIRIKA – Seiaeie fauramaþleis Maeik Paumpeo andbahtaba sa niuja Amairikiska andbahts utalandis ist.

Amairikisks sainatus, swaswe bidan was, miþ managduþai faur þata gawalida.

Þishun demokratjans in þamma sainatau tweifljand bi andhait, unte Paumpeo kunþs ist swa habuks jah airis unselos waihtins bi samalubon jah islam qaþ. Jah managaim sinþam faurastoþ andi nukleugaqissais miþ Eirana.

 Paumpeo laistjiþ Raiks Tilairsaun, saei in Martau fram Tramp usnumans was seinaizos arbaidais. Sa amairikiska fauramaþleis jah suns merida þatei Paumpeo þana staþ ganemi.

Tilairsaun ni hlasaba saihwiþ is andbahti: fram gawaurdjam bajoþaizo fero paulitikiskis spaiktrumis sa fairnja drauhtins alewagawaurkjis Aiksson Mobaeil saihwada swa sums wairstaize Amairikiskaize utalandandbahte in aiwin.

Paumpeo wili in andja wikandjos faran in Saudei-Arabja, Eiaurdanja jah Israel afar þatei haldiþ in Brusail gaqumþai NAGH (Naurþatlantiska Gaqissihansa), is andbahti merida. “Ni anþar andbahts swa sprauto for”, swa qaþ waurdja.

Balweins

Tramp ferja Dzjeina Haspail anafalh swa niujis fauramaþleis Seiaeie afar Paumpeon. Ni waiht bi izos arbaidilibain kunþa ist, alja þatei si was wardjo in analaugnai karkarai in Thajlanda. “The New York Times” swikunþida þatei si swesa was wardjo bisaihwandei, þan gaþuhts inagjands balwjada warþ in 2002. Si jah garaidida þatei filma miþ balweinim fraqistjanda waurþun.

Brunna: nu.nl

Audio from Himma Daga on the BBC

Beibeisei rodida miþ Himma Daga brukeinai awdjagabrukons unsaris natjastadis (so Gutisko awdjafaurawaurpa)

Nu magt hausjan “The Original Goths” ana Beibeisei Fairhwuskalkinassau miþ gabrukon garodidaizos Gutiskaizos razdos fram Austin Eiaurks ana Himma Daga. Gagg du 08:12 du hausjan þo gabrukon þau gagg ibuk mais du hausjan ize rodein bi þo Gutiska razda! 

The Original Goths (Beibeisei uswaurpa)

—-

The BBC contacted Himma Daga for the use of an audio fragment from our website (the Gothic audio project) 

You can now listen to The Original Goths on the BBC World Service with a fragment of spoken Gothic by Austin Yorks from Himma Daga. Skip to 08:12 to hear the fragment or go back a bit more to hear their talk about the Gothic language.

The Original Goths (BBC broadcast)

Garaihteins in Fragkalanda wrakjiþ eislamaleisana Tarik Ramadan in anamahtais

Hailbaitisks kunþjaleis Tarik Ramadan, hauhlaisareis eislamalaiseino, nauh in karkarai þairhwisiþ in Fragkalanda. Swikunþs wrakja andbahta sokein anastodida in fairinos þatei twaim qinom anamahtedi.

Ramadan, saei in Naubaimbair is arbaiþ ana hauhai skaulai Auksfaurds unwisamma mela sweibaida, afaikiþ fairinom jah wrakjiþ qinons þozei ina wrakjand.

Fragkiskamma andbahta garaihteins þugkeiþ garaihtiþ in frumistaizo fairino sokjan, jabai ganoha gakusts ist du briggan eislamaleisana faura stauin.

Ramadan, saei jah in Laieidain jah Rautairdam talzida, ist sunus sunaus Hassans al-Bannins, sa eislamiska gudja jah aktibistus, saei in Aigwyptau Eislamiskans Broþrahans gasulida.

Aglons 

Ramadan in 2009 miþ aglom saihwada warþ. Jah gamainduþs Rautairdams jah Erasmus Hauha Skaula sweibaidedun gaarbaidjan miþ Ramadan, afar þatei swikunþiþ was þatei is hwarjoh sabbaton (wikon) manleikja-fauramelein gatawida fram Eiraniskis landis faihu gibanamma manleikja-kunja Prais Teibei.

In þamma Eislamiskin landa, in mela þamma drobnans wesun, unte demaunstratsjons siponje fram fraujinonde anapraggada warþ. Ana Hauhai Skaulai Erasmau filu Eiraniskaize siponje laisjand.

Brunna: nu.nl

Waurda

*hailbaitisks = Switzer

*kunþjaleis = scientist

*hauhlaisareis = professor

*Fragkaland = France

*manleikja-faurameleins = TV-program

Fidwor spillonds Twrkiskis andwairþjis spillalaubis und martju in karkarai þairhwisand

Twrkisks staua menins daga gasiglida þatei fidwor kunþjai spillonds jah faþigadailans andwairþjis spillalaubis Dzeiumhureijait miþ mela þatei ize staua wairþiþ, in karkarai þairhwisand.

In þis nauh und niun martju jainar sind, þan niuja saisjo wairþiþ. Sumans ize ju faura taihunfidworim menoþam in karkarai galagidedun.

Haubidaïnmaidjands Murat Sabundzeiu, gasokeinispillonds Ahmait Sik, gadeþjahilpands Akin Atalaï jah skalkinonds Aimrai Ipair stojanda in stodeinais gadeþjam sokeinais landamahtsinmaideinais faura ainamma jah halbai jera.

Wrakja qiþiþ, ei Dzeiumhureijait numan ist fram stodjandam Faithullah Gwlains, saei wesi waldands unwaurþanaizos landamahtsinmaideinais. Wraknands afaikand ei stodidedeina gawagein in Amairikai baundins gudjins.

‘Paulitikisks staua’

Was drobna in stauin, unte staua bad wardjan du usniman Sik ubizwos stauos, unte paulitikiska waurda qaþ. Sik andstandeins bokos bi Gwlain þan is nauh frijonds Twrkiskis fraujinondis Raidzeiaip Taeijip Airdoan was gamelida.

Menins daga is Twrkiska fraujinassu “ainafaþais land wiljando balwein þiudai” haihait, spillalaufs þammei is swaswe freilansair arbaidida spilloda.

Jah afar þatei ina uta brahtun, Sik ni wilda beidan rodjan. Is aftra qaþ, ei paulitikisks staua wesi miþ stauam inuh gabandjans fraujinondam. “Dags qimiþ, þatei jus stojanda, ni ufarmaudaiþ þata”, is qaþ afar Dzeiumhureijait.


Spillonds = journalist

landamahtsinmaideins = coup d’etat

nu.nl